Fara í aðalinnihald

Veðurblíða

Í rusli sagði:

Ég held að ég sé farin að skilja hvað átt sé við með árstíðarbundnum fatnaði. Ég er ekki ein af þeim sem hef hreinsað meðvitað út úr skápum á vorin/sumrin; tekið öll vetrarföt og pakkað niður, og rifið upp sumarfötin. Ég skipti nú samt alveg út fötum en yfirleitt hef ég verið í e-ð af vetrarfötum á sumrin og e-ð af sumarfötum á veturnar. Sem minnir mig aftur á eitt.....

 


Mamma rifjar nú af og til upp sögur af mér frá því að ég var lítil/minni þar sem að þær eru víst allnokkrar. Ein var á þá leið að vetrardag einn þar sem var ansi kalt og snjóaði þá var ég á leið til Reykjavíkur (sem var nú alveg heilmikið) með skólanum og þá ákvað mín að fara í stuttu pilsi og berleggjuð í þokkabót - alltaf jafnmikil pæja ;-) Eins og við mátti búast var móðir mín ekkert alltof sátt við þennan ráðahag og gekk í þetta mál. Og hver haldiði að hafi unnið?? Nú að sjálfsögðu hún móðir mín, þar sem ég hef alltaf verið vel uppalin og hlýðin stúlka??

Hva... ertu e-ð að glotta að þessu, mamma? Er þetta ekki alveg satt?

En að fatnaðinum á ný. Málið er að það er enn svo hlýtt hérna, í raun góður sumarhiti ef miðað er við Ísland (sorrý ég veit að það er farið að snjóa heima L), svo að ég veit aldrei í hvernig fötum ég á að vera. Yfirleitt klæði ég mig og börnin fullmikið og það endar með að við erum búin að rífa okkur úr öllu og ég enda með vagninn fullan af farangri. Og hver nennir því? Ég þyrfti eiginlega að eiga e-r haustföt. Best að fara að verlsa......

Einmitt eins og ég sagði áðan þá er ég svo mikil pæja (hahahah) og því get ég sagt ykkur að á laugardagsmorguninn verð ég mætt í klippingu og litun kl. 6 á íslenskum tíma, þ.e. löngu áður en þið farið á fætur! Þvílík pæja ;-) Það má reyndar horfa á þetta frá öðru sjónarhorni, að ég verð í klippingu og litun kl. 6 að íslenskum tíma, þ.e. þegar þið eruð að fara að skríða í rúmið. Það fer alveg eftir því á hvaða róli maður er!

Það var eitt enn sem ég ætlaði að ræða en verð að segja að tíminn er hlaupinn frá mér. Það var þetta með ruslið okkar, það er mér mjög hugleikið þessa dagana. En getur e-r ykkar sagt mér, hvers vegna er okkur svo umhugað að ganga vel um það sem við eigum, fara vel með peningana, fara vel með fötin og dótið okkar. En það er e-r veginn ekki eins mikið mál að fara vel með ruslið okkar. Hvers vegna??

Læt þetta gott heita í bili. Ástarkveðjur til ykkar og Sibbý mín - vertu sterk!
Hanna

Ummæli

Vinsælar færslur af þessu bloggi

Draumaferðin - komin í gang

Nú þegar búið er að stúdera og samræma atburðardagskrárnar fer allt í gang. Ég byrja annan í jólum á 25km fjallahjólatúr með góðum hópi og það verður að segjast að landslagið er nokkuð frábrugðið. Í stað drullu og sleipra rótarbunka þarf að venjast lausamöl (tækla eins og drullu) og stórgrýttar holur. Einnig hjóluðum við kafla þar sem malarvegurinn minnti glettilega á vestfirskt þvottabretti þar sem demparar framan og aftan fengu heldur betur að vinna fyrir hverri rifflu. Fjölskyldan leigir sér tennisspaða og völl og spreytir sig í klukkutíma í sólinni. Hanna er dugleg að hlaupa og prófa ýmislegt svo sem Zumba, Funkdans, afródans og fullorðins sundæfingu sem var nokkuð krefjandi. Þriðja í jólum leigjum við okkur öll fjallahjól og tökum túr inn til næsta bæjar, Gran Tarjal, þar sem við spókum okkur og snæðum dýrindis pizzu og guðdómlegan ís við ströndina. Svo er það bara að skella sér í krakkaklúbbinn eða busla í lauginni þess á milli. Nú eða skella sér í ræktina, prófa bodytoning (ha

Laugavegurinn hjólaður - myndir

Þann 16. júlí hjóluðum við fjórir félagarnir (ég. Lalli, Snorri og Tolli) frá Landmannalaugum til Bása í Þórsmörk, sem í daglegu tali kallast Laugarvegurinn. Þetta var í alla staða eftirminnileg og frábær ferð í góðum félagsskap sem hélt vel í þá 14 tíma sem við hjóluðum, teymdum upp brekkur, ísskafla og ár. Ferðalokin í Básum klukkan fjögur um nótt voru kærkomin með Thai hnetusmjörskjúklingarétti og mikið var gott að leggjast til hvílu í tjöldunum. Meira segja myndir en mörg orð...

Í faðmi fjalla og stórbrotinnar náttúru

Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.