Fara í aðalinnihald

En nú er ég sátt :-)

Eftir
Fyrrv. barn sagði:

Ég þakka hlýjar kveðjur sem streymt hafa til mín. Hvernig væri nú þá að segja ykkur aðeins frá deginum??

 


Dagurinn byrjaði mjög vel því að börnin leyfðu okkur að sofa út til kl. 8. Það þýddi hinsvegar að minn ástkæri þurfti að drífa sig af stað upp úr hálfníu þar sem hann þurfti að vera mættur á námskeið kl. 9. Altså en þegar farið var á fætur mátti glöggt sjá slóð Sibbýjar sígrænu þar sem hún var búin að skreyta húsið og á hún bestu þakkir fyrir það (KISS).

Við BFF fórum í (leik)skólann um kl. 9.30 og eftir smástund saman kvaddi ég hann og hélt heim á leið. Kveðjustundin gekk vel, eiginlega furðuvel (vink í staðinn fyrir koss - strax byrjaður á gelgjunni!) og hann var vel sáttur allan tímann í skólanum. Við sóttum hann svo rúmlega 11 og hann var þá bara úti í sandkassa að leika og kvaddi fóstrurnar með kurt og ‘vi ses'. Ég held kannski bara að á margan hátt sé þetta erfiðara fyrir mig því að mér finnst við svo hörð við hann að setja hann á leikskóla algerlega mállausan. En honum virðist þetta lítið mál. Það gekk líka svona vel í morgun og ég mun ná í hann núna kl. 13 og þá verður hann búinn að vera með krökkunum í mat og alles. Það verður gaman að heyra hvernig hefur gengið.

En í gær sem sagt þá fórum við systur með börnin til Køben og nutum þess sem miðbærinn hefur upp á að bjóða. Helv... Systurnar Grænu útilokuðu okkur frá dýrðum sínum sökum vagnanna og kunnum við þeim bestu þakkir því að ekki eyddum við peningunum okkar þar. Við röltum um, fórum í uppáhaldshverfið okkar - Larsbjørnstræde og þar um kring - og fórum í uppáhaldsbúðina okkar (sérstaklega núna þar sem he.... Systurnar hleyptu okkur ekki inn) - Hong Kong - þar sem við keyptum töfradót. Við fórum svo á Höfuðbeinið og tókum S-tog heim.

Þegar við komum heim þá ákváðu BFF og Ásta að kíkja á fuglahúsið í garðinum. BFF bað Ástu um að halda á sér sem og hún gerði, en eftir e-n tíma var hún orðin þreytt og bað hann um að halda á sér. Það stóð ekki á svari hjá unga manninum: "nei ég get það ekki, ég er orðinn svo gamall og feitur!". Það eru greinilega ekki allir með sama viðmiðið á aldri ;-)

Þau nálguðust mas Pipp, hundinn hennar Nellyjar á neðri hæðinni og hentu til hans hundanammi eftir að hann hafði sýnt listir sínar og sest eftir óskum. Hundaþerapían heldur áfram...

Þegar við komum heim var hellt upp á dýrindissopa og borin fram afmæliskaka m/fløde ásamt afmælisgjöf frá húsherranum og börnum. Hann tók svo að sér að baða börnin á meðan við systurnar elduðum. Eftir að börnin voru svo farin í háttinn borðuðum við þrjú saman, drukkum gott rødvin og höfðum það kósýmósý. Sem sagt ljómandi dagur sem býður af sér bjarta framtíð fyrir heldri kvinnur.... ég hlakka svo til ;o)

 

Ummæli

Skrifa ummæli

Vinsælar færslur af þessu bloggi

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Laugarvegurinn hjólaður

Eftir
Þessi hugmynd að taka einn góðann hjólatúr fæddist á vormánuðum hjá meistara Lárusi. Og undirbúningurinn og stemmningsuppbyggingin fór á fullt. Ekkert var sparað til í pökkunarlistum, ferðaáætlunum og gögnum um fyrri slíkar ferðir þar sem hægt er að horfa á myndbönd, sjá gps, lesa lýsingar og sjá myndir. Spennan var orðin þónokkur á sunnudeginum 15 júlí þegar ég var að pakka í bakpoka og elda mat fyrir hópinn inn á milli þess að smyrja nesti fyrir ferðina. Mánudagsmorguninn 16. júlí stóðum við Tolli, Lárus og Snorri klárir á BSÍ eins og hinir túristarnir og gerðum okkur klára í rútuna í Landmannalaugar kl 8. Við komum hjólunum okkar fyrir í einni af tveimur smekkfullu rútunum en tjöld ofl sendum við með annarri rútu upp í Þórsmörk. Eftir nokkuð hoss og hopp vorum við upp í hinum stórbrotnu landmannalaugum þar sem var bara frekar mikið um manninn. Hjólin komu nokkuð heil út úr þessu nema að aftari bremsudiskur hjá mér hafði beyglast en það var lagað fljótt og örugglega. Veðrið var...
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira