Fara í aðalinnihald

Skrýtin tilfinning

Kærleiksbjörn sagði:

Í dag er 4. nóvember, J-dagur og veðrið alveg hreint yndislegt. Hér er um 12 stiga hiti, fá ský á lofti og hellingur af laufblöðum á trjánum ennþá. En von er á snjókomu. Ég er hrifin af þessu! Stórt skref var stigið í dag ....

 


Snjókoma?? Já mikið rétt, því í kvöld kl. 20.59 mun fyrsti snjórinn falla til jarðar og honum mun eflaust fylgja gleði. Snjórinn er í formi bjórs og það er Tuborg sem gefur kassavís af honum í kvöld. Við munum ekki taka þátt í gleðinni nú í ár (kannski næsta ;-) ) en aldrei að vita nema ég versli e-n góðan bjór til þess njóta í kvöld.

Í dag er hún Ásta Lísa ein í fyrsta sinn hjá dagmömmunni sinni og nú eru komnir tveir tímar frá því að ég fór með hana og enn ekkert heyrst svo að það hlýtur að ganga þokkalega. Þetta er ansi stórt skref fyrir okkur mæðgurnar og ekki frá því að ég sé með hálfgert samviskubit að sitja hér við tölvuna. Ég hlakka til að fara að ná í hana nú eftir um klukkutíma og heyra hvernig hefur gengið. Hún er nú reyndar soddan félagsvera að ég held að hún komi til með að njóta þess að vera í félagsskap annarra barna.

Það er alltaf jafngaman hvað heimurinn er lítill. Á sunnudaginn sl. hitti ég hana Helgu kennara úr Húsó á götu í Kaupmannahöfn. Við vorum að fara yfir götu hjá Nørreport þar sem ég heyri íslensku, lít til hliðar og þar var hún Helga og maðurinn hennar. Mér finnst gaman að hitta Helgu.

Enn og aftur er ég glöð!! Hún Ásta systir mín er að koma á þriðjudaginn og hún ætlar að vera fram á laugardag. Ég er með ýmsar hugmyndir um hvað verður gert en ætli ég beri það ekki undir hana áður en framkvæmt verður. Hún er jú stóra systirin! Mikið hlakka ég til að þú komir elsku sys!

Og enn af heimsóknum því að nú hafa mor&far&Anja studd við bakið á íslenskum flugiðnaði. Von er á þeim 26. desember og heimferð rétt fyrir nýja árið. Nú hef ég ennþá meira til að hlakka til!!

Verið velkomin öllsömul :-)

Það er nú ekki oft sem ég horfi á Judging Amy en gerði það á þriðjudagskvöldið. Amy sagði svolítið sem hefur fengið mig til að hugsa, hún sagði "we have to look out for eachother, all of us". Það var verið að fjalla um mál tveggja manna, sem áður voru vinir en höfðu fetað mismunandi stíga í lífinu. Báðir voru þeir múslimar, annar heittrúaður en hinn ekki og sá átti kærustu sem ekki var múslimi.
Þó svo að þetta hafi verið atriði í sjónvarpsþætti þá held ég að þetta sé einmitt málið. Við þurfum að sýna hvort öðru aðeins meiri kærleik; hvernig svo sem við lítum út, hvaðan við komum, hvaða trú við höfum, hvaða fatasmekk, tónlistarsmekk, talgalla, útlitsgalla, eða bara hvað það nú er sem getur vakið viðbrögð. Stundum eru viðbrögð okkar við því sem er öðruvísi svo snögg og hvöss að við gleymum að líta í eigin barm. Við eigum jú öll okkar galla, suma sem við reynum að fela og aðra sem við reynum að vinna í. Við lítum líka mismunandi augum hvað eru gallar og hvað ekki, í mínum huga getur galli verið kostur en öfugt í þínum.

Ég ætla í kjölfarið af þessari hugleiðingu að biðja ykkur sem lesið þetta að hafa þetta bakvið eyrað. Reyndu að sýna aðeins meiri náungakærleik í dag en í gær, aðeins meira umburðarlyndi, aðeins meira af hinu góða. Ég er alveg sannfærð um að það sem við sýnum í dag fáum við tilbaka á morgun.

Kærleiksknús til ykkar allra og vona ég að helgin sem framundan er verði ein sú besta í lífi ykkar.

Hanna

Ummæli

Vinsælar færslur af þessu bloggi

Í faðmi fjalla og stórbrotinnar náttúru

Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.

Draumaferðin - komin í gang

Nú þegar búið er að stúdera og samræma atburðardagskrárnar fer allt í gang. Ég byrja annan í jólum á 25km fjallahjólatúr með góðum hópi og það verður að segjast að landslagið er nokkuð frábrugðið. Í stað drullu og sleipra rótarbunka þarf að venjast lausamöl (tækla eins og drullu) og stórgrýttar holur. Einnig hjóluðum við kafla þar sem malarvegurinn minnti glettilega á vestfirskt þvottabretti þar sem demparar framan og aftan fengu heldur betur að vinna fyrir hverri rifflu. Fjölskyldan leigir sér tennisspaða og völl og spreytir sig í klukkutíma í sólinni. Hanna er dugleg að hlaupa og prófa ýmislegt svo sem Zumba, Funkdans, afródans og fullorðins sundæfingu sem var nokkuð krefjandi. Þriðja í jólum leigjum við okkur öll fjallahjól og tökum túr inn til næsta bæjar, Gran Tarjal, þar sem við spókum okkur og snæðum dýrindis pizzu og guðdómlegan ís við ströndina. Svo er það bara að skella sér í krakkaklúbbinn eða busla í lauginni þess á milli. Nú eða skella sér í ræktina, prófa bodytoning (ha

Draumaferðin - komið á áfangastað

Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr