Fara í aðalinnihald

Jan 2006, Ásta Lísa

Eftir

DSCF5998 
transpixel

Ásta fékk hlaupabólu, tekur til við að príla upp í stiga ofl, staulast aðeins ef hvatning er fyrir hendi.


  • Unga konan er hálfgerð óhemja í bíl. Bíltúr á nýársdag var þokkaleg þolraun. Það varð að snúa við þegar mútur kexkökurnar voru búnar. Kannski ágætt að vera bara bíllaus?
  • Fer í pensilínofnæmisrannsókn og úr því fæst skorið að ungfrúin er ekki með ofnæmi fyrir þessu sveppagumsi.
  • Hlaupabólan skellur á að kvöldi 18. janúar þegar þrjár litlar bólur sjást á hægra herðarblaðinu. Daginn eftir er þetta orðið alveg ljóst þegar bólurnar margfaldast í fjölda sínum og dreifa sér um allt. Meira að sega á tunguna, sem er ekki góður staður. Svo vondur að fúlsað er við snuddum, þá er nú mikið sagt. Hæsi og hor fylgja í kjölfarið en þetta gengur yfir á rúmlega viku.
  • Kvenkynið og nafnið skila algerlega af sér símafíkninni en það er mikið sport að fá símann frá pabba, skoppa um gólfið á rassinum og blaðra hástöfum.
  • Sófapríl kemst í tísku. Gefnar skýrar skipanir um að taka sessurnar úr sófanum svo hægt sé að skríða upp og niður. Það er svo gaman.
  • Næsta stig er að læra að fara niður tröppur og það er æft af miklum móð í lok mánaðarins. Daman skríður aftur á bak niður tröppurnar tvær upp á fyrsta stigapall.
  • Ein og óstudd skellti litla konan sér upp alla leið á 2. hæð þegar hún slapp augnablik óséð eitt annríkis föstudagskvöldið. Hún skreið alla leið upp, með brauðbollu í hendinni! foreldrarnir beittu hjartahnoði á hvort annað til að ná hjartslættinum í gang aftur.
  • Aðeins farin að láta leiða sig um og sýnir tilburði til að labba ef hvatningin er fyrir hendi. Er til í að ganga með ef farið er upp stigann eða þegar farið er í fótboltaleik.
  • Verður stubbaaðdáandi, en er minna hrifin af leiknu innskotunum sem koma út úr maganum á litglöðu skjábelgjunum. Vill bara hafa litadýrðina á skjánum með djúpum samræðum fjórmenninganna.
  • Uppgötvar tunguna og skellir henni inn og út um munninn með reglulegu millibili. Er þó ekki komin með mikinn orðaforða en gerir sig vel skiljanlega með "ahhhm" og kinkar kolli þegar svarið er já en "ehhhei" og hristir höfuðið þegar við erum eitthvað á villigötum.
Efnisorð:

Ummæli

Skrifa ummæli

Vinsælar færslur af þessu bloggi

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Laugarvegurinn hjólaður

Eftir
Þessi hugmynd að taka einn góðann hjólatúr fæddist á vormánuðum hjá meistara Lárusi. Og undirbúningurinn og stemmningsuppbyggingin fór á fullt. Ekkert var sparað til í pökkunarlistum, ferðaáætlunum og gögnum um fyrri slíkar ferðir þar sem hægt er að horfa á myndbönd, sjá gps, lesa lýsingar og sjá myndir. Spennan var orðin þónokkur á sunnudeginum 15 júlí þegar ég var að pakka í bakpoka og elda mat fyrir hópinn inn á milli þess að smyrja nesti fyrir ferðina. Mánudagsmorguninn 16. júlí stóðum við Tolli, Lárus og Snorri klárir á BSÍ eins og hinir túristarnir og gerðum okkur klára í rútuna í Landmannalaugar kl 8. Við komum hjólunum okkar fyrir í einni af tveimur smekkfullu rútunum en tjöld ofl sendum við með annarri rútu upp í Þórsmörk. Eftir nokkuð hoss og hopp vorum við upp í hinum stórbrotnu landmannalaugum þar sem var bara frekar mikið um manninn. Hjólin komu nokkuð heil út úr þessu nema að aftari bremsudiskur hjá mér hafði beyglast en það var lagað fljótt og örugglega. Veðrið var...
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira