Fara í aðalinnihald

Jamm og jæja

Eftir
stúdínan sagði:

Jæja jæja jæja er ekki kominn tími á að ég láti í mér
heyra.....





það er frí í skólanum hjá mér í dag og á morgun v. ráðstefnu
í Þýskalandi og ég er því hér heima að "læra".





Í gær var kveðjustund hérna með skellibjöllunum 3 úr
Søllerød Park. Olga og Sara eru að fara heim á morgun og Anna fer eftir viku.
Við munum sakna þeirra mikið og ekki síst krakkarnir. Við hlökkum því líka
mikið til þegar þær koma í heimsókn í sumar,
við eigum jú eftir að fara saman á ströndina í Vedbæk!!





Góða ferð kæru vinkonur - þið eruð frábærar.





Við erum búin að festa kaup á ferð til Svíþjóðar í sumar og
leigja bíl í þann tíma sem við verðum. Njörður og Kolla eru búin að skipta á
húsi við sænska fjölskyldu og við förum því í heimsókn til þeirra í
"nýja" húsið. Ég hlakka til, mig hefur svo lengi langað að fara til
Stockholm og nú verður af því. Svo nú er bara um að gera að fara að skoða hvað
er hægt að gera þar í kring. Það verður eflaust úr mörgu að velja - Svíarnir
klikka ekki ;-)





Svo erum við að fara í sumarbústað um páskana með
Sydhavn-familien. Erum búin að leigja bústað á Vest Sjælland og allt lítur vel
út. Við vonum bara að veðrið og bakteríurnar verði vinalegri en fyrir um ári
síðar.





Vorið er á leiðinni og allt farið að springa út.





Peta frænka er að koma um aðra helgi og ég treysti á að
djammið verði traust. Það var snilld síðast þegar hún kom. Ég hlakka svo
til.....





Ekkert nýtt að frétta af húsinu "okkar" í
Hørsholm. Við bíðum enn eftir fréttum en búumst við að þurfa að bíða með
innflutning þar til í maí. Súrt en við höfum það alveg fínt í íbúðinni hans
Keld hérna í Virum. Við vonum svo líka að Keld hafi það fínt í Indlandi.





Skrýtið hvað lífið getur verið afstætt. Ég læt mig (enn sem
komið er) dreyma um að fara til Indlands, Kína og Thailands en Keld gerir þetta
bara ansi oft. Hann vinnur í Indlandi fyrir danskt fyrirtæki, á tælenska konu
og var síðast þegar við heyrðum í honum á vinnufundi í Kína. Svo eru aðrir sem
dreyma um að koma til Íslands og það er nú bara ansi oft sem ég fer þangað.





Annars held ég að við séum búin að ákveða að koma ekki heim
í sumar. Setjum stefnuna á önnur ferðalög í staðinn og allar ábendingar um góða
áfangastaði eru vel þegnar. Það leynast nefnilega svo margar perlur á hinum
ýmsu stöðum.





Jæja tuss og lufs - ætla að fara að "læra"





kys og kram



Blöbbý



Ummæli

Skrifa ummæli

Vinsælar færslur af þessu bloggi

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Laugarvegurinn hjólaður

Eftir
Þessi hugmynd að taka einn góðann hjólatúr fæddist á vormánuðum hjá meistara Lárusi. Og undirbúningurinn og stemmningsuppbyggingin fór á fullt. Ekkert var sparað til í pökkunarlistum, ferðaáætlunum og gögnum um fyrri slíkar ferðir þar sem hægt er að horfa á myndbönd, sjá gps, lesa lýsingar og sjá myndir. Spennan var orðin þónokkur á sunnudeginum 15 júlí þegar ég var að pakka í bakpoka og elda mat fyrir hópinn inn á milli þess að smyrja nesti fyrir ferðina. Mánudagsmorguninn 16. júlí stóðum við Tolli, Lárus og Snorri klárir á BSÍ eins og hinir túristarnir og gerðum okkur klára í rútuna í Landmannalaugar kl 8. Við komum hjólunum okkar fyrir í einni af tveimur smekkfullu rútunum en tjöld ofl sendum við með annarri rútu upp í Þórsmörk. Eftir nokkuð hoss og hopp vorum við upp í hinum stórbrotnu landmannalaugum þar sem var bara frekar mikið um manninn. Hjólin komu nokkuð heil út úr þessu nema að aftari bremsudiskur hjá mér hafði beyglast en það var lagað fljótt og örugglega. Veðrið var...
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira