Fara í aðalinnihald

Fréttir??

Eftir
m. vastus medialis sagði:
Ég er á leið í rúmið, hlakka til að kúra mig niður í koddann minn og svífa á vit ævintýranna. Í nótt vorum við systurnar búnar að festa kaup á sveitajörð þar sem við ætluðum að opna verslun en það var eitt og annað sem þurfti að gera áður en við komumst svo langt. Annars man ég yfirleitt lítið hvað mig dreymir þessa dagana.

Einn mætur maður sagði að ef maður passaði sig ekki að láta sig dreyma í daglega lífinu þá kæmu draumarnir í svefni og oft vaknaði maður þá þreyttari.



Ég held að ég sé einmitt í fasanum að láta mig dreyma á daginn, en draumarnir eru kannski ekkert endilega ævintýralegir; snúast aðallega um heimili og anatómíu. Það hafa ekki verið rólegir tímar hjá okkur fjölskyldunni fyrri hluta ársins og ég vona að nú fari að hægast um og við fáum kannski smá tíma til að hlú hvert að öðru.

Húsnæðismálin okkar eru vonandi að skýrast. Okkur hefur boðist ljómandi fín íbúð í Lyngby (eigum þó enn eftir að skrifa undir samning), húsið og stigagangurinn er ekki það fallegasta en íbúðin er mjög fín, risastórar svalir, umhverfið vel grænt og staðsetningin mjög góð. Við tókum þá erfiðu ákvörðun að sleppa húsinu sem við vorum búin að taka á leigu en ekki enn flutt inn í, en eins og eflaust mörg ykkar vita þá neitaði fyrri leigjandi að flytja út og það mál er enn í gangi og ekki hægt að segja
til um hvenær því lýkur. Tvær vikur hafa orðið að mörgum, mjög mörgum.

Ég glími við þann vankant að eiga mjög erfitt með að sleppa, og það á vel við í þessu tilfelli því að ég var búin að festa svo marga drauma og væntingar við það að flytjast í einbýlishús með garði. En af því verður ekki enn um sinn og ég verð að draga lærdóm af þessu. Fyrir mér er hann skýr; ekki láta drauma mína vera bundna í materalísku efni. Jæja nóg um það, er eiginlega komin með upp í kok af þessu öllu saman.

Ég er þessa dagana föst yfir anatomi-bókunum mínum og reyna að púsla þessum dýrðlega líkama sem við búum yfir. Þvílíkt sem hann er flókinn og fullkominn, ófullkomleikinn felst svo kannski í þessu huglæga sem við búum yfir ;-)

Ég hlakka svo barasta ógó mikið að komast í sumarfrí og fara njóta þessarar svaka veðurblíðu sem hér er í landi, þetta er barasta dásamlegt! Hvernig er það, er nokkuð rok og rigning hjá ykkur núna??

Jæja, ætli ég fari ekki að kveðja. Ég hélt að ég hefði frá svo miklu að segja en svo er lítið í kollinum á mér. Ekkert nýtt, hva :-) Ég vona bara kæru vinir að þið hafið það öll sömul gott og að þið horfið fram á veginn í stað þess að hafa augun á því sem liðið er.

Kram
Hanna

Ummæli

Skrifa ummæli

Vinsælar færslur af þessu bloggi

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Laugarvegurinn hjólaður

Eftir
Þessi hugmynd að taka einn góðann hjólatúr fæddist á vormánuðum hjá meistara Lárusi. Og undirbúningurinn og stemmningsuppbyggingin fór á fullt. Ekkert var sparað til í pökkunarlistum, ferðaáætlunum og gögnum um fyrri slíkar ferðir þar sem hægt er að horfa á myndbönd, sjá gps, lesa lýsingar og sjá myndir. Spennan var orðin þónokkur á sunnudeginum 15 júlí þegar ég var að pakka í bakpoka og elda mat fyrir hópinn inn á milli þess að smyrja nesti fyrir ferðina. Mánudagsmorguninn 16. júlí stóðum við Tolli, Lárus og Snorri klárir á BSÍ eins og hinir túristarnir og gerðum okkur klára í rútuna í Landmannalaugar kl 8. Við komum hjólunum okkar fyrir í einni af tveimur smekkfullu rútunum en tjöld ofl sendum við með annarri rútu upp í Þórsmörk. Eftir nokkuð hoss og hopp vorum við upp í hinum stórbrotnu landmannalaugum þar sem var bara frekar mikið um manninn. Hjólin komu nokkuð heil út úr þessu nema að aftari bremsudiskur hjá mér hafði beyglast en það var lagað fljótt og örugglega. Veðrið var...
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira