Fara í aðalinnihald

Skuld

Eftir

Mér sýnist sem það þurfi útskýringu á "smá uppdeit"

 


• Rigning: Hér hefur verið alveg ótrúlega mikil rigning og oft þrumuveður meðfylgjandi. Ekki alveg uppáhaldið en ég er að venjast þeim. Ég held að móðir náttúra sé að vinna upp vatnsskortinn frá því í júlí. Það góða við þetta er þó að allt lítur vel út og hitinn er enn nokkuð góður.
• 1. skóladagur: er kominn og farinn. Mér líst ansi vel á námið og hlakka til að byrja af alvöru á mánudaginn nk. Þessir þrír dagar í þessari viku voru intro-dagar þar sem við fengum smjörþefinn af þvi sem koma skal.
• Peta frænka: kom hér um daginn og gisti eina nótt. Er nú í Canada á kajak. Hlakka til að hitta hana á ný!
• Maggi Sæla: kom og var hjá okkur yfir síðustu helgi. Alltaf gott að fá góðan vin í heimsókn! Takk fyrir innlitið, frændi.
• Guðný og Guðjón: voru hér í orlofi og komu í mat á föstudagskvöldið sl. Að sjálfsögðu voru málin rædd að systra sið (lesist: hátt og mikið) og mér finnst það alls ekki leiðinlegt.
• Íbúðartilboð: vonbrigði! Fengum bréf um að okkur væri boðin íbúð til leigu. Fengum síðar að vita að um 14 aðrir fengu eins bréf. Þeir 15 sem fengu bréf voru allir með númer frá 1-15 og íbúðin fer svo til þess sem segir já og stendur fremst á listanum. Auðvitað vorum við númer 15 og þetta var því svolítið mikið bakslag 
• Afmæli Kolbeins Hrafns: frábær dagur, frábært fólk og frábærar veitingar!
• Samtal við Gísla Ragnar: ég hringdi með það í huga að spjalla við Magga og heyra hvenær hann ætlaði að koma. En eins og oft áður þá varð samtal okkar Gísla Ragnars bæði langt og skemmtilegt.
• Gilli: æskuvinur Finns kom hér til Köben og kom í heimsókn. Alltaf gaman!
• Team America: Frábær mynd - mæli með henni. Fuck yeah.
• Áskorun enn ólokið: hérna kemur kannski mesti teaserinn? Það glataðasta við þetta er að ég man ekki hver hún var. Biðst forláts.
• Heiti potturinn: Ég bíð og vona. Því mig langar í heimsókn á klakann í vetrarfríinu.

Til viðbótar:
• Ásta Lísa er orðin veik. Hún fór tvo daga til dagmömmu og fékk vírussýkingu. Er e-t ykkar með ráð handa vonlitlum foreldrum? Mér fannst við eiginlega hafa fengið okkar skammt í fyrravetur.
• Baldur Freyr er alltaf jafn hress og gjörsamlega að tapa sér í Pokemon þessa dagana.
• Sendi ástarkveðjur um allan geim og vona að þið eigið góðar stundir
• Hanna

Ummæli

Skrifa ummæli

Vinsælar færslur af þessu bloggi

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Laugarvegurinn hjólaður

Eftir
Þessi hugmynd að taka einn góðann hjólatúr fæddist á vormánuðum hjá meistara Lárusi. Og undirbúningurinn og stemmningsuppbyggingin fór á fullt. Ekkert var sparað til í pökkunarlistum, ferðaáætlunum og gögnum um fyrri slíkar ferðir þar sem hægt er að horfa á myndbönd, sjá gps, lesa lýsingar og sjá myndir. Spennan var orðin þónokkur á sunnudeginum 15 júlí þegar ég var að pakka í bakpoka og elda mat fyrir hópinn inn á milli þess að smyrja nesti fyrir ferðina. Mánudagsmorguninn 16. júlí stóðum við Tolli, Lárus og Snorri klárir á BSÍ eins og hinir túristarnir og gerðum okkur klára í rútuna í Landmannalaugar kl 8. Við komum hjólunum okkar fyrir í einni af tveimur smekkfullu rútunum en tjöld ofl sendum við með annarri rútu upp í Þórsmörk. Eftir nokkuð hoss og hopp vorum við upp í hinum stórbrotnu landmannalaugum þar sem var bara frekar mikið um manninn. Hjólin komu nokkuð heil út úr þessu nema að aftari bremsudiskur hjá mér hafði beyglast en það var lagað fljótt og örugglega. Veðrið var...
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira