finnur.com

Druuulluhaliiii, hrópar Baldur Freyr út um svaladyrnar og segir þar með öllum Suðurbrautarbúum til syndanna. Hann gefur Línu Langsokk ekkert eftir í raddstyrk þegar hún hrópaði þetta sama fúkyrði út um dyr hlöðuloftsins. Já rauðhærði tíkarspenagrallarinn er sterkari fyrirmynd en mann hefði nú grunað að óreyndu. Æ fleiri Línufrasar og -tilsvör koma frá unga manninum...

{mosimage}Malarinn sem spangólaði . Arto Paasilinna. Þá er maður kominn með eina perluna enn frá Paasilinna í hendurnar. Og þessi skemmtilega saga var ekkert slor frá sýrukokkinum Arto. Efniviðurinn ber sterk höfundareinkennin: Einstæðingur sem verður utanveltu í þjóðfélaginu og finnur sig ekki meðal mannanna og leitar því út í náttúruna, enda sjálfur náttúruundur. Ár Hérans var ekki ósvipuð að þessu leytinu. Arto veltir upp ýmsum álitamálum um mannleg samskipti, umburðarlyndi, fordóma og fylgifisk hennar: hræðslu við hið óþekkta. Þegar manneskjan stendur frammi fyrir einhverju óskiljanlegu, er það viðbrögðin oft á þann vega að reyna að tortíma hinu óskiljanlega. Góð bók og fyndin sem vekur mann til umhugsunnar. Langar alltaf að heimsækja Finnland eftir lestur Arto bóka... Lokið: 2.3.2005

Já gott fólk, mannkyninu fjölgar sífellt. Það er engum vafa undirorpið og engin ný sannindi. Hins vegar telst það til tíðinda þegar vinir og fjölskylda fæða ný börn í þennan heim. Þau gleðitíðindi bárust mér einmitt í gær að tveir nýir einstaklingar væru komnir í þennan heim: Íris og Magga eignuðust strák kl 23:45 þann 16. febrúar Baldur bróðir og Imba eignuðust stelpu á sjúkrahúsi Selfoss þann 17. febrúar kl 15:17. Mikið var nú gaman að fá þessar fréttir og við hlökkum mikið til að fá að kíkja á þessi litlu kraftaverk og gleðigjafa.

Þá eru komnar inn nýjar myndir frá nýárinu og þorranum.