Fara í aðalinnihald

Rokkað í Køben

Snigillinn sagði:

Enn eitt kvöldið fékk ég bæjarleyfi og því var haldið niður í miðbæ Kaupmannahafnar. Ég sagði ykkur frá því um daginn að ég myndi fara á tónleika með Anne Linnet í nóvember og þeir voru einmitt á laugardagskvöldið. Íris og Magga voru hér hjá okkur og við nutum samvista við þær á milli þess sem þær sóttu tónleikastaði heim. Takk kærlega fyrir komuna, stúlkur. Við vonum að heimferðin hafi gengið vel! En aftur að laugardagskvöldinu .....

 


sem var frábært. Anne Linnet er hreinlega frábær tónlistarmaður. Krafturinn í henni og frá er ótrúlegur og því voru tónleikarnir heilmikil upplifun. Það er svo gaman að heyra Anne segja frá t.d. skýjum, hegðun fugla, upplifun af vatni og afbrýðissemi á hátt sem fær mann til að nánast upplifa lýsinguna hennar.

Anne hefur víst ekki farið ávallt troðnar slóðir í lífinu, og þar af leiðandi er tónlistin hennar undir miklum áhrifum af því. Platan "Her hos mig" sem kom út í október fer með mann í gegnum heila sögu sem hún skýrir svo flott á tónleikunum. Svo skilur hún mann einmitt í þessu ástandi að vilja vita meira og meira og meira.... svo að nú bíð ég spennt eftir því sem koma skal.

Eitt af því sem heillar mig hvað mest við tónlist yfirhöfuð er þegar hún kemur manni í ákveðið hugarástand og fær mann til að taka allan tilfinningaskalann og muna eftir atburðum sem tengjast einmitt hinum og þessum tilfinningum. Tónlistin og stemningin sem var á tónleikunum hrifu mig svo sannarlega á braut og komu mér í þetta hugarástand.

Á leiðinni heim í lestinni urðu við fyrir annarri og ekki eins ánægjulegri sýn. Það kom maður inn í klefann og settist niður fyrir aftan okkur. Fljótlega gaus upp mikil límlykt og við sáum svo að lyktin fylgdi honum því að hann var að sniffa. Aumingja maðurinn, hann var svo út úr öllum raunveruleika og gerði ekkert annað en að "bögga" fólkið í lestinni. Sorglegt.

Í gær var "julehyggen" í (leik)skólanum hans BFF. Þar hittust foreldrar og börn og boðið var upp á æbleskiver, pebbernødder, glögg og saft. Þetta byrjaði kl. 15.30 og þegar ég kom um 4, þá sé ég að BFF er að borða æbleskiver. Bettina kallar á mig og sagðist bara vilja láta mig vita að hann væri búin að borða "rigtig rigtig mange", etv. 10 stk. æbleskiver, svona ef vera skyldi að honum yrði illt í maganum. Hann hélt svo áfram að borða, eflaust 3-4 til viðbótar og þegar hann fékk sér bita dýfði hann æbleskiven samviskusamlega í sultuna og flórsykurinn. Þessi elska! En hann var alveg í fínu standi á eftir, lék sér með strákunum og var eins og ljós. Hann borðaði hinsvegar ekki mikið í kvöldmat og skyldi engan undra ;-) Ásta Lísa skemmti sér einnig konunglega í skólanum eins og við var að búast, en henni finnst alltaf svo gaman að koma inn í skólann hans BFF.

Jæja ætli ég verði ekki að fara að gera e-ð, mor&far eru að koma á föstudaginn - JIBBÍ JIBBÍ - og þá er nú eins gott að hafa allt hreint & fínt fyrir hana Oddný og setja upp eins og eina, tvær seríur fyrir hann Jakob. Mikið rosalega hlakka ég til að sjá þau!!

Ég sendi ykkur mínar ástarkveðjur og munið að þó ég sé ekki alltaf að skrifa hér inn á síðuna, þá er ég alltaf að hugsa um það sem ég gæti sagt ykkur. En það er nú bara eins og það er, ég fæ ekki alltaf gert allt sem ég hugsa og langar til ;-(

Svo að lokum munið að njóta undirbúnings jólanna, því jólin og stemning þeirra byggir á undirbúningnum.

Kys og kram
Hanna

Ummæli

Vinsælar færslur af þessu bloggi

Draumaferðin - komið á áfangastað

Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast...

Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni.

Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr litl…

Draumaferðin - ævintýri og ferðalok

Við fjölskyldan vorum virkilega farin að finna okkur heimakomin á PlayItas. Hvað annað er hægt í stöðugu 20+ og sól með endalausum möguleikum að fara út og leika sér utan dyra og fá smá svita á ennið. Ég var farinn að fá löngun í annan fjallahjólatúr og vildi athuga með föstudagstúrinn. Í pöntunarafgreiðslunni var augljóst að fólk var búið að átta sig og taka þjóðverjann á þetta og mæta eldsnemma og panta hjól, ferðir og tíma fram í vikuna. Það var bara ekkert laust fyrr en töluvert eftir heimferð. En hvað með götuhjól? Jú, það var eitt slíkt á gamlárs sem var laust. Tók það og var spenntur að prufa.

Ég sótti hjólið að morgni gamlársdag í fullum hjólagallaskrúða með pedala, kamelpoka og orkusnakk. Skoðaði leiðir í boði (40, 60 og 80 km) og að tillögu afgreiðslumannsins í hjólaleigunni setti ég markið á 40 km svona til að byrja með.

Það tók smá tíma að venjast fisléttu hjólinu og mjóum dekkjum þar sem fjöðrun var nánast engin og allar misfellur og holur fundust vel. En rennslið var got…

Laugavegurinn hjólaður - myndir

Þann 16. júlí hjóluðum við fjórir félagarnir (ég. Lalli, Snorri og Tolli) frá Landmannalaugum til Bása í Þórsmörk, sem í daglegu tali kallast Laugarvegurinn. Þetta var í alla staða eftirminnileg og frábær ferð í góðum félagsskap sem hélt vel í þá 14 tíma sem við hjóluðum, teymdum upp brekkur, ísskafla og ár. Ferðalokin í Básum klukkan fjögur um nótt voru kærkomin með Thai hnetusmjörskjúklingarétti og mikið var gott að leggjast til hvílu í tjöldunum.

Meira segja myndir en mörg orð...