Pabbi sagði:
- Strandagæji í sólríku sumrinu
- Sumarfrí til Svíðþjóðar og Marielyst fjölskyldumót
- Erfitt að trappa sig niður úr hinu ljúfa sumarfríi, fyrsti leikskóladagur eftir sumarfrí tekinn með trukki
- Gerist stranddýrkandi í sólarbrælunni. Förum oft út að Vedbæk að kæla okkur við sjóinn. Fyrst er nú farið varlega en svo einn daginn: ég vil fá ermakútana. Svo er bara synt og synt út í sjónum þar sem áður var eingöngu farið hangandi á foreldrunum. Fitulagið skortið þó áþreifanlega og farið er að skjálfa fljótlega eftir nokkrar dýfur.
- Verður voðalega viðkvæmur fyrir því þegar bíllinn þarf að fara í viðgerð. Ekki hrifinn af því að skilja þurfi hann eftir þar og má vart minnast á það meir.
- Sumarfrí í Svíþjóð. Gist á farfuglaheimili, nokkuð spennandi og hlaupið út um allt. Kojur prófaðar all ítarlega.
- Góða lífið í sumarfríinu venst fljótt og biður oft og iðurlega um ís. Enda verður það orðið staðalneysla að fá 2 stk á dag, kvölds og morgna.
- Siglir á kanó á Öresjoe í Svíþjóð og vara nokkuð brattur. Sækir svo í sig veðrið og vill róa sjálfur út á vatn.
- Rosa duglegur á stökkbrettinu í Alvhoögsborg í Trollhattan. Stekkur þar eins og froskur aftur og aftur út í eitt. Spyr svo pabba sinn: "Fékkst þú líka svolítið kitl í magann?"
- Suð og rell ágerist verulega. Alltaf verið að suða um að fá nýtt dót og gott í munninn. Svolítið erfitt að eiga við í sumarfríinu þar sem hinum daglegu römmum er kastað fyrir róðra.
- Sefur í gúmmíbát heima hjá Maríu og Kjell í Trollhattan og þykir barasta fínt. Sér sjónvarp þar á bæ í fyrsta skipti í tæpa viku og lætur sig bara hafa hvað sem er: sænskur fréttaskýringaþáttur þykir fullgóður svaladrykkur eftir að koma úr sjónvarpseyðimörkinni.
- Velur eitt orð úr Sænsku til að læra: Godies (nammi). Auðvitað !
- Eftir Svíþjóðarferðina tekur Baldur það upp hjá sjálfum sér að þau systkinin skuli fara að sofa saman í herbergi. Foreldrarnir grípa það snögglega á lofti og flytja rúmið yfir til Ástu Lísu og þau fara að sofa saman í herberginu.
- Verður líka alveg yfir sig upptekinn af því að fá GSM síma eftir að hann sér að sænsku bræðurnir Alexander og Kristoffer höfðu slík tól. En rök foreldranna um að maður þyrfti að vera orðinn eldri eins og þeir (10 og 12) voru snögglega blásin burt: "Þegar maður er 5 ára, fær maður síma. Er það ekki?"
- Gríðarlegir fagnaðarfundir að hitta ömmu Völlu, Guðrúnu frænku, afa Sæma, Baldur frænda, Imbu, Emmu og ekki síst Eðvarð Geir.
- Líflegir og skemmtilegir dagar þegar stórfjölskyldan sameinast í sumarbústaðarlandinu Marielyst. Rosa duglegur að synda í kröftugum ölduganginum og kafar kútalaust undir öldurnar en flýtur jafnframt eins og korktappi undan straumnum suður með sjó.
- Fær dillun að vilja fá kalla eins og Eðvarð Geir (Bonicle). Fær svo einn frá ömmu völlu við mikinn fögnuð. Félagarnir tveir koma vart út úr leikherberginu í Marielyst bústaðinum. Fær svo annan rauðan eftir kröftugt suð og kemur svo sannarlega á óvart eitt kvöldið þegar hann púslar honum saman upp á sitt einsdæmi í tómri þrjósku. Ekki var í boði að fara að fá púslþjónustu frá pabba fram eftir kvöldi eftir lögboðinn háttatíma: "Ég geri það bara þá sjálfur!"
- Miðaldarsafnið í Nyköbing þótti mjög merkilegt. Sérstaklega burtreiðasýningin sem "okkar" maður, riddarinn Svane, bar sigur úr býtum. Svanefánanum var haldið áfram að veifa upp í Sölleröd og kappinn ákaft hylltur í marga daga og vikur á eftir: Svane, Svane, Svane!
- Miklir og hjartnæmir endurfundir á leikskólanum eftir sumarfrí þegar Corentin og Baldur knúsast og hoppa af kæti. Þeir gerast þó full hressir og gera ekki góða hluti fyrsta daginn þegar þeir óhlýðnast í ávaxtatímanum. Það endar með því að þeir missa af ávöxtunum og afmæliskökunum í refsingaskyni.
- Ævintýrum félaganna er þó hvergi nærri lokið því Baldur lýsir eftirfarandi yfir á rólóinum okkar einn daginn: "Þegar ég og Corentin eru orðnir fullorðnir, þá ætlum við að fara einir í Lynby". Nema hvað, hanga í verslunarmiðstöðinni eins og alvöru unglingar!
Ummæli