Fara í aðalinnihald

Jóla og áramótamyndirnar

Eftir

Var að skella inn nokkrum myndum frá jólum og áramótum okkar heima á Íslandi. Hér kennir ýmissa grasa: heimsóknir til vina- og frændfólks, jólin, áramót, mannfagnaðir ofl.
Posted by Picasa
Efnisorð:

Ummæli

Nafnlaus sagði…
Flottar myndir, gaman að sjá ykkur í fyrra - þótt glær hafi verið

Kv
Maggi Sæla
15. janúar 2008 kl. 12:15
Nafnlaus sagði…
Hrist voru stél og bruðin mél
í firði á samkundu vorri
er von til að þrykkt verði aftur á sel,
áður en rennur upp þorri?

Pib ;-)
17. janúar 2008 kl. 13:51
Unknown sagði…
Já mikið ósköp var þetta nú vel heppnuð kvöldstund í firðinum og á ensku kránni. Ef það á að verða þorrafjör, þá verðum við að treysta á ykkur að halda uppi stuðinu.
17. janúar 2008 kl. 23:17
Nafnlaus sagði…
"þorri" rímaði bara svo vel við, vissi reyndar að þetta væri útópískt ;-) Mér skilst einmitt að mágkona þín sé æst í að hósta eitt slíkt blót núna, hún á víst allt til alls frá því í haust, hrærði þá í slátur og pæklaði súrt í tunnu... Getur ekki klikkað ;-)
18. janúar 2008 kl. 11:43
Nafnlaus sagði…
Gaman að þessum myndum. Ég verð nú bara að viðurkenna að ég sé ekki betur en að Ásta Lísa sé "mini me" af mömmu sinni.... he he!
Best þótti mér þó myndin af Sveini og Finni í einhversskonar magadanspilsum og sveiflu. Sé að við höfum misst af miklu að mæta ekki í fjörðinn....
Verðum í bandi!
18. janúar 2008 kl. 14:27
Skrifa ummæli

Vinsælar færslur af þessu bloggi

Laugavegurinn hjólaður - myndir

Eftir
Þann 16. júlí hjóluðum við fjórir félagarnir (ég. Lalli, Snorri og Tolli) frá Landmannalaugum til Bása í Þórsmörk, sem í daglegu tali kallast Laugarvegurinn. Þetta var í alla staða eftirminnileg og frábær ferð í góðum félagsskap sem hélt vel í þá 14 tíma sem við hjóluðum, teymdum upp brekkur, ísskafla og ár. Ferðalokin í Básum klukkan fjögur um nótt voru kærkomin með Thai hnetusmjörskjúklingarétti og mikið var gott að leggjast til hvílu í tjöldunum. Meira segja myndir en mörg orð...
Skrifa ummæli
Lesa meira

Í faðmi fjalla og stórbrotinnar náttúru

Eftir
Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.
Skrifa ummæli
Lesa meira

Draumaferðin - komið á áfangastað

Eftir
Jóladagsmorgun 2011 og það er ræs klukkan 4 að morgni eftir örfáar svefnstundirnar. Það er rok og rigning á E47 á leið út á Kastrup flugvöll, en það á eftir að breytast... Fjölskyldan dormar og sefur til skiptis á milli sögubrota frásagnaglaða aðstoðarflugstjórans um ferðalög danskra víkinga suður eftir álfunni. Fróðlegt, en ég vildi nú samt heldur sofa eins og lofað var eftir mat og fríhafnarprang. Það eru svo nokkur viðbrigði að koma í 20 gráðu hitann og hrjóstrugt eldfjallalandslag þar sem regn er greinilega ekki oft á dagskránni. Eftir 45 mínútna rútuferðalag í gegnum landslag sem líkist Reykjanesinu allmikið komum við á áfangastað, Las Playitas ! Við erum rösk að tékka okkur inn og pakka upp og þá er bara að taka út svæðið og skoða það sem í boði er næstu vikuna. Það eru lögð drög að dagskrá næstu daga og heimilisfaðirinn skráir sig til leiks í 25 km fjallahjólatúr næsta dag. Sundlaugin og krakkaklúbburinn tekinn út og allt fær bestu einkunn. Helstu nauðsynjar bornar í hús úr ...
Ein ummæli
Lesa meira