Fara í aðalinnihald

Dagur 2 (2.júlí 2003)

Veðrið:
Þurrt og hlýtt fyrir utan hressilegan skúr í miðdaginn
Meðal efnis:
  • Ikea ferð - sýnishorn í dönskum trylling
  • Regnskógur heimsóttur
  • Tikka masala og bað

Baldur var fljótur að átta sig á tímamismuninum og stillti sig strax á danska tímann. Fjölskyldan fór því á fætur upp úr kl 8 að venju. Hinn gríðarvinsæli róló var heimsóttur um morguninn en svo snæddum við hádegisverð úti á verönd áður en haldið var í IKEA leiðangur til Árósa.

Sólin skein í heiði við komuna til Árósa og það var hlýtt og gott á bílastæðinu. Danir hafa náð einhverju æðra stiigi við útfærslu ranghala IKEA-verslana því það var ekki nóg með að það að við þyrftum að fara alla hringavitleysuna, án möguleika á styttri leið, heldur hafa þeir kosið að hafa lönguvietleysuna á 2 hægðum. Kaupleiðangurinn lukkaðist þó dæmalaust vel og kom litala fjölskyldan skælbrosandi út í sólina með nýja barnastólinn hans Baldurs ásamt viskustykkjum sem hafði skort tilfinnalega í híbýlunum í Ebeltofte. Vegna einmuna sólarblíðu og hungurs hjá litla herranum var ákveðið að tylla sér niður fyrir utan í sólinni.

Froðufellir
Alltaf hefur maður haft þá mynd af Dönum að þeir séu svo "ligeglad" og afslappaðir. Þetta virðist þó ekki vera algilt og þessu virðast þó vera undantekningar. Sem við stitjum í sólarbrlíðunni og horfum á fólkið fara inn og út úr IKEA, verðum við bitni að alerum tryllingi hjá einum miðaldra Dana. Ung kona með kerru í eftirdragi hafði tekið aðeins of þrönga beygju á bíl sínum og var því talsvert inn á vegahelmingi froðufellandi miðaldra dana. Froðufellirinn hafði stuttu áður hrakið burt gangandi konur fyrir fram an bíl sinn með viðeigandi flautukonstert, hreyfingum og stýriskýlingum. Ekki varð hann hressari við að sjá þessa konu sem virtist ætla að gera fyrirhugaða beygju hans heldur erfiða. Eftir að flaut og hreyfingar virtust ekki hreyfa við konunni í bílnum, vatt hann sér út öskrandi og benti mjög ákveðið á hvítmálaða beygjupíluna á malbikunu. Þannig vildi hann gera ungu konunni ljósan óskorðanann beygju rétt sinn. Unga konan hristi bara höfuðið yfir þessum látum. Á meðan hafði hin skynsemi vædda kona freyðisins þokað sér um sæti þannig að nú sat hún við stýrið og gerði sig líklega til að aka bílnum áfram og koma þeim úr þessum vandræðalegu aðstæðum sem dró nú að sér athygli sífellt fleiri sem úti sátu. Þegar tryllingslegir tilburðir froðufellisins virtust ekki ætla að hafa tilætluð áhrif á ungu kerru-konuna, strunsaði hann að bílnum sínum. Þar reif hann upp hurðina og öskraði eitthvað í líkingu við "færðu þig!" á konuna sína sem var ekki nógu fljót að bregðast við og var henni því skotið snaggaralega með hintmiðuðum mjaðmahnykk yfir í farþegasætið. Froðufellirinn settist sjálfur undir stýri og spólaði burt með tilþrifum.

Regnskógar
Þá var kominn tími til að heimskækja
regnskógana í Randers. Það mátti með sanni segja að regnskógurinn bæri nafn með rentu því um leið og við eygðum sýningarsvæðið skall á þetta líka rosalega úrhelli að fjölskyldan mátti dúsa inn í bíl á bílastæðinu og maula nestið á meðan skýfallið lyki sér af. Þegar það var orðið ferðafært á ný voru regnskógar 3ja heimsálfa heimsóttir inn í sérhönnuðum glerhvelfingunum. Mjög margt merkilegt bar fyrir auga en loftslaginu var ekki auðvelt að venjast: 27°C og yfir 90% raki sem er haldið stöðugu með öflugri veðurtölvu. Eftir rakamettaða samveru með hinum ýmsustu dýrum regnskógana þótti ekki annað hægt en að kæla fjölskylduna niður með kúluís. Við kvöddum regskógana með bros á vör og snæddum hvítlauksleginn N-Evrópskan kjúkling með tikka-masala sósu í smáhýsinu okkar um kvöldið. Rakamettun regnskóganna var skoluð af fjölskyldunni í baðhúsi tjaldsvæðisins fyrir svefninn.

Ummæli

Vinsælar færslur af þessu bloggi

Draumaferðin - komin í gang

Nú þegar búið er að stúdera og samræma atburðardagskrárnar fer allt í gang. Ég byrja annan í jólum á 25km fjallahjólatúr með góðum hópi og það verður að segjast að landslagið er nokkuð frábrugðið. Í stað drullu og sleipra rótarbunka þarf að venjast lausamöl (tækla eins og drullu) og stórgrýttar holur. Einnig hjóluðum við kafla þar sem malarvegurinn minnti glettilega á vestfirskt þvottabretti þar sem demparar framan og aftan fengu heldur betur að vinna fyrir hverri rifflu. Fjölskyldan leigir sér tennisspaða og völl og spreytir sig í klukkutíma í sólinni. Hanna er dugleg að hlaupa og prófa ýmislegt svo sem Zumba, Funkdans, afródans og fullorðins sundæfingu sem var nokkuð krefjandi. Þriðja í jólum leigjum við okkur öll fjallahjól og tökum túr inn til næsta bæjar, Gran Tarjal, þar sem við spókum okkur og snæðum dýrindis pizzu og guðdómlegan ís við ströndina. Svo er það bara að skella sér í krakkaklúbbinn eða busla í lauginni þess á milli. Nú eða skella sér í ræktina, prófa bodytoning (ha

Laugavegurinn hjólaður - myndir

Þann 16. júlí hjóluðum við fjórir félagarnir (ég. Lalli, Snorri og Tolli) frá Landmannalaugum til Bása í Þórsmörk, sem í daglegu tali kallast Laugarvegurinn. Þetta var í alla staða eftirminnileg og frábær ferð í góðum félagsskap sem hélt vel í þá 14 tíma sem við hjóluðum, teymdum upp brekkur, ísskafla og ár. Ferðalokin í Básum klukkan fjögur um nótt voru kærkomin með Thai hnetusmjörskjúklingarétti og mikið var gott að leggjast til hvílu í tjöldunum. Meira segja myndir en mörg orð...

Í faðmi fjalla og stórbrotinnar náttúru

Við erum svo virkilega að njóta okkar hérna á Íslandinu og höfum farið út í náttúruna og hitt vini og vandamenn á förnum vegi. Krakkarnir príluðu með okkur eitt kvöldið upp á Úlfarsfellið sem blasir við út um stofugluggann hjá mömmu og var það hressilegur túr fyrir sál og líkama. Svo er búið að taka túr um uppsveitir Suðurlands og heimsækja Sólheima sem eiga alltaf stóran stað í hjörtum okkar. Hanna fór með krakkana í sveitina til Guðnýar og nutu þau lífsins og náttúrunnar með ferðum með ströndinni á undir rótum Snæfellsjökuls. Og auðvitað varð að kanna stöðuna á toppi jökulsins líka með hjálp snjótroðara og útsýnið var víst stórfenglegt af toppinum þar. Á meðan Hanna og gríslingarnir nutu lífsins í Syðri-Knarrartungu þá fór ég með Lalla, Snorra og Tolla. Svo erum við búin að prófa þó nokkrar sundlaugar og fara í eitt gott brúðkaup úti í guðsgrænni náttúrunni.